श्रीमतीलाई कुटपिट गर्दै घरेलु हिंसा गरेको आरोपमा श्रीमान्लाई मुगु प्रहरीले पक्राउ गरेको छ ।

पक्राउ पर्नेमा मुगुको छायाँनाथ रारा नगरपालिका–११ का २८ वर्षीय कृष्ण कुमाई छन् । उनले आफ्नी श्रीमतीमाथि पटक–पटक कुटपिट गर्दै घरेलु हिंसा गरेको आरोप छ ।गत २० कात्तिकमा उनले श्रीमती पदमकला साउदमाथि चिर्पटले आक्रमण गरेका थिए । चिर्पट प्रहारबाट घाइते श्रीमतीको उद्दार गरी जिल्ला अस्पताल पु¥याइएको थियो । त्यहाँ उपचार हुन नसकेपछि नेपालगञ्ज ल्याइएको थियो ।

पटक पटक मदिरा सेवन गर्दै कुटपिट गरेको र घरेलु हिंसा गरेको, मन्जुरी बिना करणी गर्ने गरेको भन्दै श्रीमतीले मुगु प्रहरीमा जाहेरी दिएकी थिइन् । गत बिहीबार राति श्रीमतीमाथि पुन आक्रमण गर्न खोज्दा पदमकला भागेर ज्यान जोगाएको मुगु प्रहरीले जनाएको छ ।त्यसपछि प्रहरीले श्रीमान कृष्णलाई पक्राउ गरेर अनुसन्धान अघि बढाएको हो ।