बेलायतमा भइरहेको भारी हिमपातका कारण जनजीवन अस्तव्यस्त भएको छ । बेलायतका अधिकांश स्थानमा भारी हिमपात भएको अन्तर्राष्ट्रिय सञ्चारमाध्यमले जनाएका छन् ।

हिमपातका कारण विभिन्न ठाउँको यातायात सेवा अवरुद्ध भएको छ । बढी प्रभावित उत्तरी इंग्ल्यान्ड क्षेत्रका प्रमुख सडकहरू नै बन्द गरिएको छ । केही रेल सेवा पनि बन्द गरिएको छ ।केही प्रमुख विमानस्थल पनि बन्द गरिएको थियो । तर, अहिले पुनः सञ्चालनमा ल्याइएको छ ।

यद्यपि, निर्धारित समयमा उडान हुन नसक्ने सूचना जारी गरिएको छ । स्कटल्यान्ड, उत्तरी इंग्ल्यान्डसहित विभिन्न क्षेत्रमा मंगलबारसम्मका लागि चेतावनी जारी गरिएको छ ।