उपसभामुख इन्दिरा रानाले क्यान्सरबाट जोगिन सावधानीका साथ आफ्नो स्वास्थ्यको हेरचाह गर्न आग्रह गरेकी छिन् ।

मंगलबार काठमाडौंमा विश्व क्यान्सर दिवसको अवसरमा आयोजित कार्यक्रमलाई सम्बोधन गर्दै उनले यस्तो बताएकी हुन् ।क्यान्सर लाग्नबाट जोगिन सावधानी अपनाउनु जरुरी रहेको बताउँदै उनले क्यान्सर पीडितलाई पनि परिवारको माया र प्रेम आवश्यक हुने बताए ।‘क्यान्सर लाग्नबाट जोगिन हामीले सावधानी अपनाउनुपर्छ । लाग्यो भनेपनि कसरी बच्न सकिन्छ भनेर हेर्नुपर्छ ।

परिवारको माया प्रेम चाहिन्छ,’ उनले भनिन्, ‘समाजको काम गर्न हामीलाई कुनै ठूलो फण्ड चाहिँदैन । सँगै मिलेर अलिअलि पैसा उठाएर हामी धेरै कामहरू गर्नसक्छौँ ।’