अब लाइसेन्स तथा अनुमति नलिई वाकिटकी लगायतका रेडियो उपकरणहरु आयात, बिक्री वितरण तथा प्रयोग गर्ने नपाइने भएको छ ।सञ्चार तथा सूचना प्रविधि मन्त्रालयको सूचना तथा प्रसारण विभागले लाइसेन्स तथा अनुमति नलिई वाकिटकी लगायतका रेडियो उपकरणहरु आयात,बिक्री वितरण तथा प्रयोग गर्ने कार्य तत्काल बन्द गराएको हो ।विभागले सोमबार एक सूचना जारी गरी वाकिटकी लगायतका रेडियो उपकरणहरु विक्री बितरण तथा प्रयोग गर्न लाइसेन्स लिनुपर्ने उल्लेख गरेको छ ।सूचना प्रकाशित भएको ३५ दिन भित्र नियमानुसारको लाइसेन्स लिएर मात्र प्रयोग गर्न विभागले भनेको छ । लाइसेन्स नलिई प्रयोग गरिएको पाइएमा प्रचलित कानून बमोजिम कारबाही हुने विभागले जनाएको छ।