अमेरिकामा ट्रम्प प्रशासनले संघीय एजेन्सीहरूलाई ठूलो मात्रामा कर्मचारीहरूलाई हटाउन निर्देशन दिएको छ।

डोनाल्ड ट्रम्पले आफ्नो पहिलो मन्त्रिपरिषद् बैठकपछि यी निर्देशन दिएका हुन्।ट्रम्पको पहिलो मन्त्रिपरिषद् बैठकमा प्रशासनिक खर्च घटाउन गठन गरिएको सरकारी दक्षता विभागका प्रमुख एलोन मस्क पनि उपस्थित थिए।समाचार एजेन्सी रोयटर्सका अनुसार ट्रम्प प्रशासनले जारी गरेको नयाँ ज्ञापनपत्रमा संघीय कर्मचारीहरूको संख्या घटाउन मार्च १३ सम्ममा योजना बनाउनुपर्ने उल्लेख छ।यद्यपि, संघीय कर्मचारीहरू पहिले नै लागत घटाउन गरिँदै गरेको छटनीबाट पीडित भइसकेका छन्। नयाँ निर्देशनमा अब कति कर्मचारी हटाइनेछ भन्ने कुरा उल्लेख गरिएको छैन।

मन्त्रिपरिषद् बैठकमा वातावरण संरक्षण एजेन्सीका प्रशासक ली जेल्डिनले १५ हजार कर्मचारीहरूमध्ये ६५ प्रतिशतलाई हटाउने प्रतिबद्धता गरेको ट्रम्पले बताए।