काठमाडौं । चीनमा पछिल्लो वर्षहरूमा छेपारो, कछुवा, रंगीन सुगा लगायत विदेशी घरपालुवा जनावर पाल्नेहरूको संख्या उल्लेख्य रूपमा बढेको छ। परम्परागत रूपमा पालिने कुकुर र बिरालो बाहेक अन्य जनावरप्रति आकर्षण बढेपछि विदेशी घरपालुवा जनावरको बजार द्रुत गतिमा फैलिएको देखिन्छ।

तथ्यांकका अनुसार, चीनमा हाल १ करोड ७० लाखभन्दा बढी मानिसहरूले यस्ता गैर–परम्परागत जनावरहरू पालिरहेका छन्। यो प्रवृत्तिले विदेशी घरपालुवा जनावर उद्योगलाई करिब १.४ अर्ब अमेरिकी डलर बराबरको बजारमा रूपान्तरण गरिदिएको छ।

मध्य चीनको शाङ्किउ शहरसहितका थुप्रै क्षेत्रहरूमा विदेशी जनावर प्रजनन केन्द्रहरू वृद्धि भएका छन्। संरक्षित जनावरहरूको प्रजनन तथा बिक्रीका लागि आवश्यक इजाजतपत्र अनिवार्य गरिएको छ भने माग पूरा गर्न धेरै प्रजननकर्ताहरू सक्रिय रहेका छन्।

विज्ञहरूका अनुसार घरपालुवा जनावर जेसुकै भए पनि मानिसहरूको जीवनमा साथ र भावनात्मक समर्थन दिने भएकाले यस्ता जनावर र चराबाट मानिसहरूको आकर्षण झनै बढेको बताइन्छ।

आईआई मिडिया रिसर्चका तथ्यांक अनुसार, चीनको समग्र घरपालुवा जनावर उद्योगको बजार आकार यस वर्षको अन्त्यसम्म ११३ अर्ब अमेरिकी डलर नाघ्ने अपेक्षा गरिएको छ।