घटनामा टीका खनालले सञ्चालन गर्दै आएको चिया पसल, सूर्यमान श्रेष्ठको चस्मा पसल तथा एक किराना पसल पूर्णरूपमा जलेर नष्ट भएका छन्। मोरङ प्रहरीका प्रवक्ता डिएसपी कोपिला चुँडालले आगलागीबाट करिब ८ लाख रुपैयाँ बराबरको क्षति भएको प्रारम्भिक अनुमान गरिएको जानकारी दिइन्।

स्थानीय बासिन्दा, नेपाल प्रहरी र सशस्त्र प्रहरीले घटनास्थलमा सक्रिय भएर आगो नियन्त्रणमा ल्याएको जनाइएको छ। आगलागीका थप कारण र क्षतिको विस्तृत विवरणबारे अनुसन्धान जारी छ।