काठमाडौं । क्यानडाको क्यालगरीमा हालै सम्पन्न एसोसिएशन अफ नेपालीज इन द अमेरिकाज (एएनए)को ४२ औं सम्मेलनका अवसरमा अन्तर्राष्ट्रिय नेपाली साहित्य समाज (अनेसास)ले आयोजना गरेको खुला कविता प्रतियोगितामा पशुपति घिमिरे प्रथम भएका छन् । घिमिरेको ‘म’ शीर्षकको प्रभावशाली दार्शनिक कविताले प्रथम स्थान हासिल गरेको प्रतियोगिता संयोजक सुरेन उप्रेतीले बताए ।

कार्यक्रममा उनलाई एएनएका अध्यक्ष खगेन्द्र अधिकारी, अनेसास ट्रस्टी सभापति पदम विश्वकर्मा, केन्द्रीय अध्यक्ष सर्वज्ञ वाग्ले र निवर्तमान अध्यक्ष गोवर्द्धन पूजाले प्रमाण पत्र र नगद पुरस्कारबाट सम्मान गरेका थिए । प्रतियोगितामा दोस्रो पुरस्कार दिनेश धरेलको ‘ध्रुवतारा’, अरुण श्रेष्ठको ‘आदमारी तिमी किन नेपाल आउँछौ’ तेस्रो र रेखा किरण पौडेलको ‘घुम्टो भित्र’ सान्तवना भए । प्रतियोगितामा राजकुमार बानियाँ, नारायण अधिकारी र सीता पाण्डे निर्णायक थिए ।

प्रथम हुने कवि पशुपति घिमिरे अमेरिका निवासी हुन् भने बाँकी तीनै पुरस्कृत कविहरू क्यानडा निवासी हुन् ।