काठमाडौं । प्रधानमन्त्री केपी शर्मा ओली आज शाङ्घाई सहयोग संगठन (एससिओ) को शिखर सम्मेलनमा भाग लिन जनवादी गणतन्त्र चीनको थियानजिन शहर पुगेका छन्। मित्रराष्ट्र चीनका राष्ट्रपति सी चिनफिङको निमन्त्रणामा प्रधानमन्त्री ओली नेपाली प्रतिनिधिमण्डलको नेतृत्व गर्दै स्थानीय समय अनुसार दिउँसो ३:१५ बजे हिमालय एयरलाइन्सको विशेष विमानमार्फत थियानजिनको विनहाइ अन्तर्राष्ट्रिय विमानस्थलमा अवतरण गरेका हुन्।

उनीसँगै नेपाल सरकारका उच्च अधिकारीहरू र प्रतिनिधिहरूको टोली पनि चीन पुगेको छ। थियानजिन विमानस्थलमा प्रधानमन्त्री ओलीलाई चीन सरकारका उच्च अधिकारी र नेपालका लागि चीनका राजदूत चेन सोङ तथा नेपालका राजदूत डा. कृष्णप्रसाद ओलीले स्वागत गरेका थिए।

यो भ्रमणको क्रममा प्रधानमन्त्री ओलीले एससिओको शिखर सम्मेलनमा भाग लिनेछ र चीनसँगका द्विपक्षीय सम्बन्धका विषयमा छलफल गर्नेछन्।