सुनसरीको भोक्राहा नरसिंह गाउँपालिका–२ मंसुरी चौकमा सुनसरी प्रहरीले चाइनिज पेस्तोल र दुई राउन्ड गोलीसहित एक व्यक्तिलाई नियन्त्रणमा लिएको छ । आलमलाई विशेष सूचनाका आधारमा शुक्रबार राति पक्राउ गरेको जिल्ला प्रहरी प्रहरी कार्यलय सुनसरीका प्रवक्ता प्रहरी नायब उपरीक्षक रामप्रसाद तिमल्सिनाले जानकारी दिए । स्थानीय खुर्सिद अन्सारीको घरमा अवैध हतियार लुकाइछिपाई राखेको भन्ने गोप्य सूचनाका आधारमा छापा मार्दा ३८ वर्षीय आलमलाई नियन्त्रणमा लिएको तिमल्सिनाले जानकारी दिए । घरधनी अन्सारी भने फरार रहेको र उनको खोजी भइरहेको प्रहरीले जनाएको छ । पक्राउ परेका आलमविरुद्ध मुलुकी अपराध संहिता–२०७४ को हात हतियार खजानासम्बन्धी कसुरमा म्याद थप गरी अनुसन्धान भइरहेको प्रहरीले जनाएको छ ।